വിണ്ണുലകം ദീപമേന്തിയു -
പചരിക്കുന്നു - നിന്റെ
പൊന്നു ജന്മം ദൂതരെല്ലാം
പാടി വാഴ്ത്തുന്നു

പഴയ പാമ്പിൻ തല തകർക്കാൻ
ഭൂവിൽ വന്നോനേ! ലോകം
വഴി നടപ്പാൻ പുതിയ മാർഗ്ഗം
തുറന്നു തന്നോനേ!

കഠിനരോഗം ഝടിതി നീക്കി
സുഖമരുളിടും - ഭവാൻ
കൊടിയ കാറ്റിൻ പടുത നീക്കും
നിജവചനത്താൽ

കുരിശിലുള്ള നിജമൃതിയാൽ
മനുജമക്കൾക്കു ഘോര -
നരകമതിന്നടിയിൽനിന്നു
വിടുതലേകിടും

എളിയവർക്കു നിറവരുളിത്തരുന്ന
രാജാവേ! നിന്റെ
പിളർന്ന ചങ്കിൽ മറയുവതി -
ന്നരുൾക രാജാവേ!