1.
ലോകമെല്ലാം പുകൾ പെരുകും
ഏകനാഥനാം വിഭോ!
ശരണം സദാ വന്ദനം
2.
ശോകമെഴും ലോകമിതിൻ
മോഹം നീക്കിയെന്നിൽ
നീയതിനായിതാ വന്ദനം
3.
നിൻസുതങ്കലെന്നെയഹോ!
ധന്യനാക്കിവച്ചു നീ
യതിനായിതാ വന്ദനം
4.
അന്തമില്ലാതുള്ള പിഴ
ഹന്ത! മോചിച്ചന്നു നീ
അയതിനായിതാ വന്ദനം
5.
പാവനമാം രക്തമതിൽ
പാപശുദ്ധി നൽകി നീ
അയതിനായിതാ വന്ദനം
6.
നിർമ്മലമായ് പ്രതിദിനവും
നന്മയാൽ നിറച്ചിടുന്ന -
തിനായിതാ വന്ദനം
7.
നിൻവചനം മൂലമഹോ
എൻവഴിക്കധീശനായ്
നിലനിന്നതാൽ വന്ദനം
8.
നിന്ദിതനാമെന്നരികിൽ
നിന്നു കഷ്ടനാളിൽ
നീയതിനായിതാ വന്ദനം