ആരു വെടിഞ്ഞീടുംതൻ ജീവനെയും
വൈരിയെ നേടിടുവാൻ
ഏകിയൊനേശുനാഥൻ പ്രാണനേയും
ശത്രുക്കൾക്കായ് കുരിശിൽ

പാപമറിയാത്തവൻ പാപികൾക്കായ്
പാപമായ് തീർന്നതിനാൽ
പാപത്തിൻ ബന്ധനത്തിൻ മോചനംനാം
പ്രാപിച്ചു വൻ കൃപയാൽ

ഏകജാതനെ തകർപ്പാനിഷ്ടമായ്
നമ്മെയെയും സ്നേഹിച്ചതാൽ
പിതാവിന്നീ മഹാസ്നേഹം നാ -
മോർത്തു സ്തുതിക്കണമവനെ

സ്വർഗ്ഗത്തിൻ സാരമവൻ
താണുവന്നു മന്നിൽ മനുജനെപ്പോൽ
സ്വർഗ്ഗഭാഗ്യവും തന്നു നമ്മെയെയും
സ്വർഗ്ഗീയരാക്കിടുവാൻ

ഈ മഹൽ ഭാഗ്യാംശികൾ
ആയിടുന്നോരേവരുമേ സ്തുതിപ്പിൻ
പാപത്തിൻ പ്രായശ്ചിത്തം ആയിടുന്ന
കുഞ്ഞാടാമേശുവിനെ