ആശങ്കയൊന്നുമില്ല
യേശുവിൻ പാത മതി
ക്രൂശിലെ സ്നേഹമെന്നെ തേടി വന്നു
ഇത്രമേൽ സ്നേഹിപ്പാനായ്
ഇതുപോൽ എത്രപേരുണ്ടിഹത്തിൽ?

ആരെല്ലാം കൈവിട്ടാലും
നിന്ദിച്ചു തള്ളിയാലും
ആദരിച്ചവനെന്നെ നടത്തിടുന്നു
ആമയമകറ്റിടുന്നു ശിരസ്സിൽ -
ആശിഷമേകിടുന്നു

ശത്രുവിൻ പാളയത്തിൽ
ആയിരുന്നെന്നെയവൻ
എത്രമേൽ തേടി വന്നു ജീവനേകി
ശാശ്വത മാർഗ്ഗം തുറന്നെൻ ഗമനം
സുസ്ഥിരമാക്കിയതാൽ

പ്രത്യാശ വർദ്ധിക്കുന്നു
പൊൻമുഖം നേരിൽ കണ്ട്
നിത്യമായ് വാഴും കാലമോർത്തിടുമ്പോൾ
എന്നുള്ളം തുടിച്ചിടുന്നു ദിനവും
വന്ദിച്ചിടും പരനെ