160
1.
സ്തുതിപ്പിന്‍ സ്തുതിപ്പിന്‍
എന്നും സ്തുതിച്ചിടുവിന്‍
യേശു രാജാധി രാജാവിനെ
ഈ പാര്‍ത്തലത്തില്‍ സൃഷ്ടി കര്‍ത്തനവന്‍
എന്റെ ഉള്ളത്തില്‍ വന്നതിനാല്‍
2.
അവന്‍ വരുന്ന നാളില്‍ എന്റെ കരം പിടിച്ച്‌
തന്റെ മാറോടണച്ചീടുമേ
ആ സമൂഹമതില്‍ അന്നു കര്‍ത്തനുമായ്‌
ആര്‍ത്തു ഘോഷിക്കും സന്തോഷത്താല്‍
3.
എന്‍ പാപങ്ങളെ മുറ്റും കഴുകിടുവാന്‍
തന്‍ ജീവനെ നല്‍കിയവന്‍
വീണ്ടും വന്നിടുമേ മേഘവാഹനത്തില്‍
കോടാ കോടി തന്‍ ദൂതരുമായ്‌ -
4.
കണ്‍കള്‍ കൊതിച്ചിടുന്നേ ഉള്ളം തുടിച്ചിടുന്നേ
നാഥാ നിന്നുടെ വരവിനായി
പാരില്‍ കഷ്ടതകള്‍ ഏറും ദിനം തോറുമേ
കാന്താ വേഗം നീ വന്നിടണേ
ആ... ആനന്ദമേ പരമാനന്ദമേ
ഇതു സ്വര്‍ഗ്ഗീയ സന്തോഷമേ
ഈ പാര്‍ത്തലത്തില്‍ സൃഷ്ടി കര്‍ത്തനവന്‍
എന്റെ ഉള്ളത്തില്‍ വന്നതിനാല്‍