ഏകസുതനിൽ വിശ്വസിച്ചിടുന്നോർ
ക്കേവർക്കും ജീവൻ നൽകുവാനവനെ
ഏകി ലോകത്തെ സ്നേഹിച്ച കൃപയെ
പുകഴ്ത്തി നമുക്കു സ്തുതിക്കാം

ന്യായവിധിയിൻ വാളിന്നു കീഴിൽ
ന്യായമായകപ്പെട്ടാകുലരാകും
നമ്മുടെ ശിക്ഷയഖിലം പുത്രന്മേൽ
ചുമത്തിയ കൃപയോർക്കാം

ദൈവമേ! ദൈവമേ! ഈ വിധമെന്നെ
കൈവിട്ടതെന്തന്നലറിക്കരയുവാൻ
ജീവന്റെ നാഥന്നിടയായതെന്തെ
ന്നറിഞ്ഞു നമുക്കു സ്തുതിക്കാം

കുരിശിൽ തൻജീവൻ വെടിഞ്ഞുവെന്നാലും
മരണത്തെവെന്നുതാനുയിർത്തു മൂന്നാം നാൾ
പ്രാണന്നു പുതുക്കം പ്രാപിച്ചു നമുക്കും
പ്രണമിച്ചു മുന്നിൽ വീഴാം

നമുക്കായിട്ടിന്നും മൽക്കിസദേക്കിൻ
ക്രമത്തിൽ പ്രധാന പുരോഹിതനായി
സ്വർഗ്ഗവിശുദ്ധസ്ഥലത്തെത്തി വാഴു -
ന്നവനെ നമുക്കു സ്തുതിക്കാം

വീണ്ടുംവരുന്നു രാജാധിരാജൻ
കണ്ടിടും മേഘം തന്നിൽ നാമവനെ
സ്വന്തജനത്തെ ചേർത്തിടുമുടനെ
ഹല്ലേലുയ്യാ ഗീതം തുടരാം