1.
പാരിടത്തിന്നധികാരി - സർവ്വ
പാപവിഷഭയഹാരി - തന്റെ
പാദാശ്രിതർക്കുപകാരി
2.
നാനാപരീക്ഷയിൻ നേരം - അവൻ
നാൾതോറും തീർക്കുമെൻ ഭാരം തിരു -
നാമമെനിക്കൊരു ഹാരം
3.
കുരുടർക്കു കാഴ്ചയെ കൊടുത്തു പാപ -
ക്കരുമനകളവൻ തീർത്തുതന്റെ
കരുണയിലെന്നെയുമോർത്തു
4.
ഇക്ഷിതിയിൽ മനുവർഗ്ഗ - മെല്ലാം
മോക്ഷമണയുന്ന മാർഗ്ഗം - എന്റെ
രക്ഷാപുരുഷനെൻ ഭാഗ്യം
5.
മുറ്റുമവനിയിലെല്ലാം - പാർത്താൽ
മറ്റൊരു മാർഗ്ഗവുമില്ല - പാരിൽ
മറ്റൊരു രക്ഷകനില്ല