മൃത്യുവിൻ ഹസ്തത്തിൽ നിന്നും
ശത്രുവിൻ അസ്ത്രത്തിൽ നിന്നും
ഭൃത്യനാമെന്റെ പ്രാണനെ
കാത്ത തൻ ദയയത്ഭുതം -

കഷ്ടനഷ്ടങ്ങൾ വന്നാലും
ദുഷ്ടലോകം പകച്ചാലും
കർത്താവിൽ ഞാൻ സന്തോഷിക്കും
കഷ്ടങ്ങളിൽ പ്രശംസിക്കും -

ചിത്തം കലങ്ങുമന്നേരം
കർത്തനെയുളളിൽ ധ്യാനിച്ചു
ദുഃഖം മറന്നു പാടും ഞാൻ
ഉച്ചത്തിൽ സ്തോത്രഗീതങ്ങൾ

തീരാ വിഷാദങ്ങൾ തീർന്നു
തോരാത്ത കണ്ണുനീർ തോർന്നു
കർത്താവിൻ പാദം ചേർന്നു
ഞാൻ നിത്യയുഗങ്ങൾ വാണിടും