1.
ഉന്നതത്തിൽ നിന്നിറങ്ങി
മന്നിതിൽ വന്ന നാഥാ! ഞാൻ
നിന്നടിമ നിൻമഹിമ
ഒന്നുമാത്രമെനിക്കാശയാം
2.
ജീവനറ്റ പാപിയെന്നിൽ
ജീവൻ പകർന്ന യേശുവേ
നിന്നിലേറെ മന്നിൽ വേറെ
സ്നേഹിക്കുന്നില്ല ഞാനാരെയും
3.
അർദ്ധപ്രാണനായ് കിടന്നൊ
രെന്നെ നീ രക്ഷചെയ്തതാൽ
എന്നിലുളള നന്ദിയുളളം
താങ്ങുവതെങ്ങനെയെൻ പ്രിയാ!
4.
ഇന്നു പാരിൽ കണ്ണുനീരിൽ
നിൻ വചനം വിതയ്ക്കും ഞാൻ
അന്നു നേരിൽ നിന്നരികിൽ
വന്നു കതിരുകൾ കാണും ഞാൻ
5.
എൻ മനസ്സിൽ വന്നുവാഴും
നന്മഹത്വ പ്രത്യാശയേ
നീ വളർന്നും ഞാൻ കുറഞ്ഞും
നിന്നിൽ മറഞ്ഞു ഞാൻ മായണം