സുസ്ഥിരമായൊരു വസ്തുവുമില്ലയീ
പൃത്ഥ്വിയിലെങ്ങും മർത്യനഹോ
ക്രിസ്തുവിലുണ്ടുസമസ്തസൗഭാഗ്യവും
അസ്ഥിരമല്ലിതു നിശ്ചയമേ

വെളളിയും പൊന്നുമമൂല്യനിക്ഷേപവും
ഉളളിൽ വിശ്രാന്തി നൽകിടുമോ?
ഭളളിവയിൽ വളർത്തുന്നതു മൗഢ്യമാം
തെല്ലിടയ്ക്കുളളിവ സ്വപ്നസമം

ജീവനും ഭാഗ്യവുമക്ഷയ തേജസ്സും
ഏവനും ദാനമായ് ലഭിക്കും
കാൽവറി ക്രൂശിൽ മരിച്ച ക്രിസ്തേശുവിൻ
പാവന നാമത്തിൽ വിശ്വസിക്കിൽ