പാപത്തിൻ ഭാരമാകവേ നിൻമേൽ
കുരിശതിൽ ഞാൻ കണ്ടേ
ഹാ കുരിശതിൽ ഞാൻ കണ്ടേ!
ആ ദിനം മുതലെന്നാധികളകന്നു
കൈവന്നെനിക്കു ഭാഗ്യം

നീയെൻ സങ്കേതം ജീവന്റെ ബലവും
ഭയമെന്തിന്നീയുലകിൽ
ഹാ ഭയമെന്തിന്നീയുലകിൽ?
കരുമനകളിലും കരുണയോടരികിൽ
കരുണ തുണ നീയേഹാ!

ഈ ദിവ്യസ്നേഹം തന്നിൽ നിന്നെന്നെ
വേർതിരിപ്പാനാമോ ഹാ
വേർതിരിപ്പാനാമോ?
ആപത്തും വാളും മൃതിയും വന്നാലും
ആവതല്ലൊരു നാളും ഹാ!

നിൻതിരുനാമം എന്നാളുമടിയൻ
പാടിപ്പുകഴ്ത്തിടുമേഹാ
പാടിപ്പുകഴ്ത്തിടുമേ
നിൻ തിരുമുഖം ഞാൻ കണ്ടിടുമൊരുനാൾ
ഹല്ലേലുയ്യാ ആമേൻ ഹാ!