എൻ വേദനവേളയിൽ
നീ വരും തുണയായ്
പേടിക്കയില്ലിനീ ഞാൻ - എന്നിൽ
നൽകിയതെല്ലാം നന്മയിൻ
കരുതൽ എന്നൊരു നാളറിയും

എൻ ജീവിതഭാരങ്ങൾ ആരിലുമധികം
നീയറിയുന്നുവല്ലോ - നാഥാ
നിന്നിലല്ലാതെയാരിൽ ഞാൻ ചാരിടും
നീറുന്ന ശോധനയിൽ

ഈ ലോകസാഗരത്തിൽ
വൻതിരമാലകൾ
ആഞ്ഞടിക്കും നേരത്തിൽ - നിന്റെ
ആണികളേറ്റ പാണിയാലെന്നെ
നീ അൻപോടു താങ്ങിടുന്നു

എന്നാധികൾ തീർപ്പാൻ
എന്നു നീ വരുമോ
എന്നുമെന്നാശയതാം - അന്നു
ഖിന്നതയകന്നു നിന്നോടുകൂടെ
ഞാൻ എന്നാളും വാണിടുമേ