കണ്മണി പോലവൻ കാക്കും
കന്മഷക്കൂരിരുൾ നീക്കും
നന്മയും കൃപയും നമ്മെ പിന്തുടരും
ഉല്ലാസമായ് വഴിനടത്തും ഹാലേലുയ്യ!

ഭീതിയിൻ കാർമൂടും നേരം
പ്രീതിയിൻ വാനൊളി വീശും
ആധിയും വ്യാധിയുമെല്ലാമവൻ ഹനിക്കും
ആമോദമായവൻ നടത്തും ഹാലേലുയ്യ!

മാധുര്യ തൂമൊഴി തൂകും
മാനസവേദന മാറ്റും
ക്രൂശിന്റെ പാതയിൽ എന്നും നമ്മെ നടത്തും
ആനന്ദമായവൻ പുലർത്തും ഹാലേലുയ്യ!

കാഹളധ്വനി നമ്മൾ കേൾക്കും
കർത്താവിൻ വീട്ടിൽ നാം ചേരും
നിസ്തുല്യമഹസ്സിൽ നിത്യം നമ്മൾ വസിക്കും
ഹല്ലെലുയ്യ പാടി സ്തുതിക്കും ഹാലേലുയ്യ!