ദിവ്യജഡം വെടിഞ്ഞവ്യയലോകേ
നിന്നുർവ്വിയിൽ വന്ന പരാ!
പരദേവവിഹതാശര!
പൂർവ്വോദിതമാത്മ നിർവ്യാജവാക്കത്ര
നിർവ്വഹിപ്പാൻ വന്ന സർവ്വേശ്വരാ!
സുന്ദര! ഹൃത - ഗർവ്വജനതേശ്വര!

ദുഷ്ടസാത്താനടിപ്പെട്ടെത്രയും മഹാ
കഷ്ടമനുഭവിച്ചേൻ
അതാലേറ്റം പരിതപിച്ചേൻ
ഇഷ്ടനാഥാ! തിരുവിഷ്ടമിയന്നെന്നെ
കഷ്ടതയിൽനിന്നു
മീട്ടതറിഞ്ഞുറച്ചേൻ - കൃപ
തൊട്ടെന്നു നിശ്ചയിച്ചേൻ

മന്നാ! ഭവാന്നുയിരിമ്മൺമയന്നു നീ
തന്നിടുമെന്നാകിലോ - ബഹു
ധന്യനായ് തീർന്നിടുവേൻ
വിണ്ണവരെന്നാളുമന്യാദൃശസ്നേഹ
നന്ദികലർന്നീശ!
നിന്നെ സ്തുതിക്കും വിധം
ഞങ്ങളെന്നേക്കും വാഴ്ത്തും ദൃഢം