സകലത്തിൻ ലാക്കും അധിപനുമവനാം
ഉലകത്തെ നിർമ്മിച്ചോനും
ആകാശ വലയത്തെ രചിച്ചോനും
താണുവന്നുലകത്തിൽ കുരിശേറി അ അ
മാനവർക്കായ് മരിച്ചുയിർത്തേകി
ദാനമായ് രക്ഷ നരർക്കായി

മരണത്താൽ മാറുന്നധിപരിൻ പിമ്പേ
പോയവർ ലജ്ജിക്കുമ്പോൾ
നാമവൻ നാമത്തിൽ ജയ് വിളിക്കും
മരണത്തെ ജയിച്ചൊരു ജയവീരൻ അ അ
ശരണമായ് തീർന്നതെന്തൊരു ഭാഗ്യം
അവനെയനുഗമിപ്പതു യോഗ്യം

വേഗം ഞാനിനിയും വരുമെന്നു ചൊന്ന്
ലോകം വെടിഞ്ഞ നേതാ -
വേശു താനാരുമില്ലിതുപോലെ
നിത്യത മുഴുവൻ നിലനിൽക്കും അ അ
പ്രതിഫലം താൻ തരും നിർണ്ണയമായ്
അതിന്നായ് താൻ വരുമതിവേഗം

പോരുകൾ സഹിച്ചും വൈരിയെ ജയിച്ചും
പാരിതിൽ തിരുനാമം
ഘോഷിപ്പാൻ ചേരുവിനതിമോദം
ഭിന്നതവെടിയാമൊന്നാകാം അ അ
ഉന്നതചിന്തയോടുണർന്നിടാം
മന്നവനെ നമുക്കെതിരേൽക്കാം