687
1.
യേശു മതി മരുവിൽ
എനിക്കാശ്രയിപ്പാൻ ദിനവും
തിരുമാറിൽ ചാരും നേരത്തിൽ
തീരുമാകുലങ്ങളാകെയും
2.
അവൻ നല്ലവനെന്നധികം
ആസ്വദിക്കുന്നാധികളിൽ ഞാൻ
അവനിൽ ശരണപ്പെട്ടതാൽ
എത്ര ധന്യമായെൻ ജീവിതം
3.
ഞാനിന്നു ദൈവപൈതലാം
എനിക്കായ് താൻ കരുതുകയാൽ
എന്റെ ഭാരം മുറ്റുമേറ്റു താൻ
എന്നെ താങ്ങിടുന്നു കൃപയാൽ
4.
പാരിലെന്റെ അൽപനാളുകൾ
തീരണം തൃപ്പാദ സേവയിൽ
പിന്നെയെന്റെ യേശുവിന്മാ‍റിൽ
മറഞ്ഞു വിശ്രാമം നേടും ഞാൻ
വല്ലഭൻ നല്ലവൻ
എനിക്കേറ്റ - മുറ്റവൻ
വർണ്ണ്യമല്ലൊരിക്കലുമെനി -
ക്കവന്റെ മാധുര്യം!