1.
മന്നവമന്നനേ! മനുകുലമാന്യനേ!
നിന്നടിമലരിണയെൻ ശരണം ദേവാ!
2.
വേഗം വരുന്നു ഞാനേവമരുളിയോ -
രാഗിരം നിനച്ചു ഞാനാവലോടിരിക്കുന്നേൻ
3.
വാനവും ഭൂമിയും നീങ്ങുകിലും തവ
വാക്കുകളൊഴിയുമോ ഭാഗ്യനിധേ ദേവാ!
4.
ഭീതികരമാമീ ശോധനകൾക്കിടെ
മോദമാർന്നിരിപ്പതിന്നേതു വിധം ദേവാ!
5.
ബോധമിരുളുന്നു സാദമിയലുന്നു
ഖേദവുമേറുന്നു കേണിടുന്നേൻ ദേവാ!
6.
ജീവനെ നൽകുവാൻ ചാവിനുൾപൂകിയ
ജീവനൗഷധമാമെൻ ശ്രീനിധേ! വന്ദനം -
7.
രാജശിഖാമണേ! നീചനാമെൻമേൽ നിൻ
തേജസ്സാം നിറവൊഴിച്ചാശ്വസിപ്പിക്ക മാം -