743
1.
ആശ്വാസഗാനങ്ങൾ പാടിടും ഞാൻ
ആത്മാവിൽ പാടി ആർത്തിടും ഞാൻ
അത്ഭുത രക്ഷകനേശുവിന്നായ്
ഉത്തമഗീതങ്ങൾ പാടിടും ഞാൻ
2.
സങ്കടത്താലുളളം നീറിടുമ്പോൾ
ചാരുവാനേശു നാഥനുണ്ട്
തൻകരം കണ്ണീർ തുടച്ചു എന്നെ
തൻ ചിറകടിയിൽ കാത്തിടുമേ -
3.
കാർമേഘത്താൽ വാനം മൂടിയാലും
കൂരിരുളെങ്ങും വ്യാപിച്ചാലും
നീതിയിൻ സൂര്യനാം യേശു തന്റെ
കാന്തിയിലെന്നെ നടത്തിടുമേ -
4.
വിശ്വാസത്താലോട്ടം തികയ്ക്കും ഞാൻ
വിശ്വാസം കാത്തു നിന്നിടും ഞാൻ
വിശ്വാസനാഥനെ നോക്കിടും ഞാൻ
വിശ്രമദേശത്തിലെത്തുവോളം -
പാടും ഞാനേശുവിന്നായ് - എന്നും
പാടും ഞാനേശുവിന്നായ്
പാടുമെൻ പാപം പരിഹരിച്ച
പ്രാണേശനേശുവിന്നായ്