മാനസ ഖേദങ്ങൾ മാറിടും
മാനുവേൽ തന്മാറിൽ ചാരും നേരം
മാറാതെ നിത്യവും കൂടെ വരും
മിത്രമെന്നേശു മാത്രം

എന്നാളും ഞാനവൻ സ്വന്തമാം
എന്തൊരു സൗഭാഗ്യബന്ധമാം
മൃത്യുവോ ജീവനോ സാദ്ധ്യമല്ല
ഈ ബന്ധം വേർപിരിപ്പാൻ

സ്നേഹക്കൊടിയെന്റെ മീതെയും
ശാശ്വതഭുജങ്ങൾ കീഴെയും
സ്വർഗ്ഗീയ ദൂതഗണങ്ങൾ ചുറ്റും
സന്തതം ഉണ്ടെനിക്ക്

കണ്ണുനീരിൻ നാളുകൾ തീർന്നിടും
കർത്താവിൻ വീട്ടിൽ ഞാൻ ചേർന്നിടും
കാലങ്ങളെണ്ണി ഞാനോരോ ദിനം
കാത്തിടുന്നെന്റെ മനം