എന്റെ പ്രിയൻ ചുവപ്പോടു - നല്ല
വെണ്മ കലർന്നൊരു വീരൻ

ആയിരം പത്താളെ നോക്ക് - അതിൽ
എന്നേശുമുഖ്യനായുണ്ട്

പൊന്നിന്റെ കട്ടയെ നോക്ക് - അതിൽ
എന്നേശുവിന്റെ തലയുണ്ട്

അക്കരിങ്കാക്കയെ നോക്ക് - അതിൽ
എന്നേശുവിൻ മുടിയുണ്ട്

പ്രാക്കളിൻ കണ്ണുകൾ നോക്ക് - അതിൽ
എന്നേശുവിൻ കൺകളുണ്ട്

നൻമണപ്പൂന്തടം നോക്ക് - അതിൽ
എന്നേശുവിൻ കവിളുണ്ട്

താമരപ്പൂവിനെ നോക്ക് - അതിൽ
എന്നേശുവിന്റെ ചുണ്ടുണ്ട്

പച്ചപതിച്ച പൊൻ നോക്ക് - അതിൽ
എന്നേശുവിൻ കൈകളുണ്ട്

നീലക്കൽ ദന്തത്തെ നോക്ക് - അതിൽ
എന്നേശുവിൻ വയറുണ്ട്

തങ്കത്തിൻ വെൺകൽതൂൺ നോക്ക്
അതിൽ - എന്നേശുവിൻ തുടയുണ്ട്

ദേവദാരമരം നോക്ക് - അതിൽ
എന്നേശുവിൻ ഗാത്രമുണ്ട്

സർവ്വാംഗസുന്ദരൻ തന്നെ - എന്നെ
വീണ്ടെടുത്തോരു കുമാരൻ

ശാലേമിലെ മങ്കമാരേ! ഇവൻ
എന്റെ പ്രിയതമൻ നൂനം