തൻമണവാളനു വേണ്ടിയലങ്കരി -
ച്ചുളെളാരു മണവാട്ടി തന്നെയിക്കന്യക

നല്ല പ്രവൃത്തികളായ സുചേലയെ
മല്ലമിഴി ധരിച്ചുകൊണ്ടഭിരാമയായ് -

ബാബിലോൻ വേശ്യയെപ്പോലിവളെ മരു -
ഭൂമിയിലല്ല കാൺമൂ മാമലമേൽ ദൃഢം -

നീളവും വീതിയും ഉയരവും സാമ്യമായ്
കാണുവതിവളിലാണന്യയിലല്ലതു

ഇവളുടെ സൂര്യചന്ദ്രർ
ഒരുവിധത്തിലും വാനം
വിടുകയില്ലവൾ ശോഭ അറുതിയില്ലാത്തതാം

രസമെഴുംസംഗീതങ്ങൾ
ഇവളുടെ കാതുകളിൽ
സുഖമരുളിടും ഗീതം സ്വയമിവൾ പാടിടും

കനകവുംമുത്തുരത്നം
ഇവയണികില്ലെങ്കിലും
സുമുഖിയാമിവൾ കണ്ഠംബഹുരമണീയമാം