തൻ വലങ്കരമതിൽ താരകളേഴും
താങ്ങിക്കൊണ്ടനിശം
തങ്കവിളക്കുകളേഴിനും
നടുവേ തങ്കുന്നെൻ വചനം

നിന്റെ പ്രവൃത്തിയും യത്നവും
ദുഷ്ടരെ വിട്ടകലും പതിവും
നിന്റെ സഹിഷ്ണുതാശീലവുമിന്നു
ഞാൻ കണ്ടിരിക്കുന്നു പ്രിയേ

കളളയപ്പോസ്തലർ വെളളവേഷം
ധരിച്ചുളെളാരു വേളയിൽ നീ
കളളരെന്നായവർ തമ്മെയറിഞ്ഞുടൻ
തളളിയതും സുകൃതം

ആരുമിളകിടുമാറതിഘോര -
മായാഞ്ഞടിക്കും പകയി -
ന്നാപ്പെരുങ്കാറ്റിലെൻ നാമവുമേന്തി
നീ നിന്നതു വന്ദ്യതരം

എങ്കിലുമൊന്നു നീയോർക്കുകയേ
നിനക്കാദിയിലാദിവസം
കൊണ്ടിരുന്നുളെളാരു സ്നേഹ -
മതേവിധം ഉണ്ടോ ഇന്നു തവ?

പേരിനനുസരിച്ചുളെളാരയവു തേ
വന്നതിൽ നിന്നിനിയും
വേഗമുണർന്നു നിന്നാദ്യനടപടി -
ക്കൊത്തു നടന്നുകൊൾക

അല്ലയെന്നാകിൽ ഞാൻ വന്നു നിന -
ക്കിപ്പോഴുളള പ്രകാശമതും
അല്ലുപോലാക്കിടും നിൻവിളക്കിങ്ങു
ഞാൻ പിൻവലിച്ചിടുമുടൻ

എന്റെ ജനങ്ങളെ കോയ് -
മകളെന്നപോൽ
കാൽകീഴ് താഴ്ത്തിവരും
ശുണ്ഠികളാകിയ നിക്കോലാവ്യരെ
നീ വെറുക്കുന്നു ശരി

ഞാനുമഹോ! പകയ്ക്കുന്നവരെ
ജയാളികൾക്കൊക്കെയും ഞാൻ
ദേവപറുദീസിൻ ജീവവൃക്ഷഫലം
തിന്മാനായ് കൊടുക്കും

യേശുവിന്നാവിയിന്നീവിധം
ചൊന്നിടുന്നെപ്പെസോസ് സഭയേ!
ആർക്കു ചെവിയുണ്ടോ ആയവനീ
വചസ്സാദരാൽ കേട്ടിടട്ടെ