1.
ബുദ്ധിമതികളെണ്ണ -
കൃത്യമായ് കരുതിനാർ
ബുദ്ധിയില്ലാത്തോരഞ്ചു - കന്യകമാർ
നിഷ്ഠയില്ലാതിരുന്നിതിൽ
2.
നിദ്രിതരായങ്ങർദ്ധ -
രാത്രിയിൽ വരനുടെ
പ്രസ്ഥാനഘോഷം കേട്ടു - കന്യകമാർ
ഉത്ഥിതരായാർ ശീഘ്രം
3.
ദീപങ്ങൾ തെളിപ്പതി -
ന്നായവർ തുടങ്ങിനാർ
മൂഢകളാമഞ്ചു - കന്യകമാർ
ആടലാൽ പിൻവാങ്ങിനാർ
4.
സ്നേഹമില്ലായ്കയാലെ
ദീപങ്ങൾ പൊലിഞ്ഞിതു
ആകവേ തെളിഞ്ഞഞ്ചു - കന്യകമാർ
ശോഭയായ് കത്തിച്ചവ
5.
എണ്ണയിൻ പ്രഭാവത്താ -
ലന്നേരം മണവറ
തന്നുളളിൽ കടന്നഹോ! കന്യകമാർ
തുർണമായ് വരനോടും
6.
ബുദ്ധിഹീനരാമവർ -
കത്തിപ്പാനെണ്ണ വാങ്ങി
യെത്തിയ നേരത്തേക്കു -
മണവറ കൃത്യമായടച്ചഹോ!
7.
കർത്തനേ! ഞങ്ങൾക്കും നീ
പേർത്തും തുറക്കണമേ
പ്രാർത്ഥിച്ചീവണ്ണമയ്യോ - കന്യകമാർ
മൂർച്ഛിക്കയല്ലേ ഫലം
8.
നിങ്ങളാരെന്നറിയു - ന്നില്ല
ഞാനൊരുങ്ങാത്ത കന്യകമാരേ!
വേഗം പൊയ്ക്കൊളളുവിൻ
കണ്ണീരിൻ സ്ഥാനത്തേക്ക്
9.
എന്നുരച്ചീടും വരൻ മന്നവനാകുമേശു
തന്നെയാണായവന്റെ - വരവിന്നു
പൂർണ്ണരായ് കാത്തിരിപ്പിൻ