944
1.
രാജൻ മുമ്പിൽ നിന്നു നാം
കണ്ടിടും തൻ സൗന്ദര്യം
ഹല്ലേലുയ്യാ - ഹല്ലേലുയ്യാ
ദൂതന്മാർക്കു തുല്യരായ്
വാഴും നാം സന്തുഷ്ടരായ്
ഹല്ലേലുയ്യാ വേഗത്തിൽ
2.
രാജൻ മുമ്പിൽ നിന്നു നാം
നീക്കും പോരിൻ ആയുധം
ഹല്ലേലുയ്യാ - ഹല്ലേലുയ്യാ
തീർന്നു യുദ്ധാഭ്യാസവും
തീർന്നെല്ലാ പ്രയാസവും
ഹല്ലേലുയ്യാ വേഗത്തിൽ
3.
രാജൻ മുമ്പിൽ നിന്നു നാം
പ്രാപിക്കും തൻ വാഗ്ദത്തം
ഹല്ലേലുയ്യാ - ഹല്ലേലുയ്യാ
നാം പിതാവിൻ രാജ്യത്തിൽ
വാഴും നിത്യതേജസ്സിൽ
ഹല്ലേലുയ്യാ വേഗത്തിൽ
4.
രാജൻ മുമ്പിൽ നിന്നു നാം
ശോഭിക്കും നിരന്തരം
ഹല്ലേലുയ്യാ - ഹല്ലേലുയ്യാ
തീർന്നു ബലഹീനത
തീർന്നു എല്ലാ ക്ഷീണത
ഹല്ലേലുയ്യാ വേഗത്തിൽ
5.
രാജൻ മുമ്പിൽ നിന്നു നാം
പ്രാപിക്കും നിത്യാനന്ദം
ഹല്ലേലുയ്യാ - ഹല്ലേലുയ്യാ
നിത്യജീവൻ ഇമ്പങ്ങൾ
തേജസ്സിൻ കിരീടങ്ങൾ
ഹല്ലേലുയ്യാ വേഗത്തിൽ
6.
രാജൻ മുമ്പിൽ നിന്നു നാം
ചെയ്യും സ്നേഹ സംസർഗ്ഗം
ഹല്ലേലുയ്യാ - ഹല്ലേലുയ്യാ
എല്ലാ ദൈവമക്കളും
എന്നും ഒന്നായ് വാണിടും
ഹല്ലേലുയ്യാ വേഗത്തിൽ
7.
രാജൻ മുമ്പിൽ നിന്നു നാം
ചെയ്യും നിത്യവന്ദനം
ഹല്ലേലുയ്യാ - ഹല്ലേലുയ്യാ
നാമും സ്വർഗ്ഗസൈന്യവും
ഇപ്രകാരം പാടിടും
ഹല്ലേലുയ്യാ വേഗത്തിൽ