964
1.
ഒരു മനസ്സോടെ ഒരുങ്ങി നിൽക്ക നാം
മണവാളനേശുവിൻ വരവിനായി
വരുന്ന വിനാഴികയറിയുന്നില്ലാകയാൽ
ഒരുങ്ങിയുണർന്നിരിക്കാം - നാഥൻ
2.
മന്നവൻ ക്രിസ്തുവാം അടിസ്ഥാനത്തിന്മേൽ
പണിയണം പൊൻ വെളളിക്കല്ലുകളാൽ
മരം പുല്ലു വയ്ക്കോൽ ഇവകളാൽ ചെയ്ത
വേലകൾ വെന്തിടുമേ - അയ്യോ!
3.
വന്ദ്യവല്ലഭനാം യേശുമഹേശൻ
വിശുദ്ധന്മാർക്കായ് വാനിൽ വന്നിടുമ്പോൾ
നിന്ദ്യരാകാതെ വെളിപ്പെടുംവണ്ണം
സുസ്ഥിരരായിരിക്കാം - നമ്മൾ
4.
തൻ തിരുനാമത്തിലാശ്രിതരായ് നാം
തളർന്നുപോകാതെ കാത്തിരിക്കാം
അന്ത്യംവരെയും ആദിമസ്നേഹം ഒട്ടും
വിടാതിരിക്കാം - നമ്മൾ
5.
വെന്തഴിയും ഈ ഭൂമിയെന്നറിഞ്ഞും
കാന്തനെ കാണുവാൻ കാത്തിരുന്നും
എത്ര വിശുദ്ധ ജീവനും ഭക്തിയും
ഉളളവരാകണം നാം - പാർത്താൽ
6.
ജഡത്തിന്‍റെ പ്രവൃത്തികൾ സംഹരിച്ചു നാം
ജയിക്കണം സാത്താന്യ സേനകളെ
ജയിക്കുന്നവന്നു ജീവപറുദീസിൻ
ജീവകനി ലഭിക്കും - ആമേൻ