ലോകം നമുക്കിന്നേകും അവൻ
നാമത്താലപമാനങ്ങൾ
ക്രൂശിൻ നിന്ദകൾ സഹിക്കുന്നതു
നാം ധന്യമായെണ്ണിടുന്നു

വിത്തും ചുമന്നു നമ്മൾ കരഞ്ഞിന്നു
വിതയ്ക്കും മന്നിൽ
വീണ്ടെടുപ്പിൻ നാളുകൾ വരുമ്പോൾ
ആർപ്പൊടു കൊയ്തിടും നാം

വീട്ടിൽ ചേരുംവരെയും അവൻ
കാത്തിടും ചിറകിൻ മറവിൽ
ഭീതിയെന്നിയേ നമുക്കീയുലകിൽ
അധിവസിക്കാം ദിനവും

ചേരും പുതിയ ശാലേം പുരിയിൽ
നാം തന്നരികിൽ ഹാ!
തീരും വിനകളഖിലം വരവിൽ
തരും പ്രതിഫലം നമുക്ക്