നീതിസൂര്യശോഭയാലന്നല്ലലിരുൾ മാറിടും
ഭീതിയുമനീതിയുമന്നില്ല ലേശവും
സന്തോഷശോഭനം ആ നല്ല നാളുകൾ
ലോകം ഭരിച്ചിടും കർത്താവിന്നാളുകൾ
ശോകം രോഗം യുദ്ധം ക്രുദ്ധജാതികളിൻ വിപ്ളവം
പോകുമെല്ലാമേശുരാജൻ ഭൂവിൽ വാഴുമ്പോൾ

സത്യശുദ്ധ പാതയിൽ നടന്നു വന്ന ശുദ്ധന്മാർ
വീണ്ടെടുക്കപ്പെട്ട സർവ്വ ദൈവമക്കളും
ഉല്ലാസഘോഷമായ് സീയോനിൽ വന്നിടും
ദുഃഖം നെടുവീർപ്പും സർവ്വവും തീർന്നിടും
നിത്യ നിത്യ സന്തോഷം ശിരസ്സിൽ ഹാ! വഹിച്ചവർ
നിത്യതയ്ക്കുളളിൽ മറയും തീരും കാലവും