ക്ഷാമത്താലീക്ഷോണി
എങ്ങും ക്ഷീണമാകുമ്പോൾ
എനിക്കെത്തിടാത്ത നിക്ഷേപ -
മുണ്ടെന്റെ പ്രിയനിൽ
എന്നെ പോറ്റിടും എന്റെ രക്ഷകൻ

ഇന്നലെക്കാളിന്നു ഞാനെൻ പ്രിയൻ
നാടിനോടേറ്റം അടുത്തതായതെ -
നിക്കെത്രയാനന്ദം
എന്റെ പ്രിയനെ ഒന്നു കാണുവാൻ

ഈ വാരിധിയിൽ വൻതിരയിൽ
തളളലേറ്റു ഞാൻ
മുങ്ങിടാതെ പ്രിയനെന്റെ
ബോട്ടിലുണ്ടല്ലോ
ഗാനം പാടിയെൻ നാട്ടിലെത്തുമേ

എൻ രക്ഷിതാവേ! നിൻ
വരവു കാത്തു കാത്തു ഞാൻ
ഈ ദുഷ്ടലോകെ കഷ്ടതകൾ
എത്ര ഏൽക്കണം
നിന്നെക്കാണുമ്പോൾ
എൻ ദുഃഖം തീർന്നുപോം