നിദ്രകൊണ്ടവരിലാദ്യഫലമായ്
ക്രിസ്തു ഉയിർത്തെഴുന്നേറ്റായതുപോൽ
ക്രിസ്തുവിൽ നിദ്രകൊണ്ടവരേവരും
ക്രിസ്തുവോടൊന്നിച്ചു യിർക്കുമറിക

കാഹളം ധ്വനിച്ചിടും മദ്ധ്യവാനിൽ
മരിച്ചവരക്ഷയരായുയിർക്കും
ജീവനുളളവർ രൂപാന്തരപ്പെടും

ഈ മൺകൂടാരം നാം വിട്ടുപിരിയും
ആത്മാവോ പറന്നുയരും ഗഗനേ
തേജോരൂപരായ് ദേഹസഹിതരായ്
തേജസ്സിൻ കർത്താവെ കാണുമൊടുവിൽ

കണ്ണുനീരെല്ലാം തുടച്ചുകളയും
തന്മാറോടവൻ നമ്മെ ചേർത്തണയ്ക്കും
കോടാകോടി വിശുദ്ധരോടൊത്തു നാം
പാടും ഗീതങ്ങൾ
നാം പാടും ഗീതങ്ങൾ