ലോകത്തിൻ മായകൾ
മോഹിച്ചു ഞാൻ
ഓടിയനേരമെൻ ചാരെ വന്നു
കൈപിടിച്ചെന്നെ തൻ
തേജസ്സിൻ മാർഗ്ഗത്തിൽ
ആക്കിയെൻ കർത്താവു ഹല്ലേലുയ്യാ

ഈ ലോകത്തിൽ ഞാനൊരന്യനത്രേ
ഈ മരുജീവിതം ക്ലേശമത്രേ
സ്വർഗ്ഗ കനാനെന്റെ സ്വന്തസ്ഥലമത്രേ
സ്വർഗ്ഗീയജീവിതം നിത്യമത്രേ

കർത്തൻ വരവിനെ നോക്കി നോക്കി
പാർത്തലേ പാർത്തിടുന്നാശയാൽ ഞാൻ
പ്രത്യാശയാലുളളം തിങ്ങി നിറയുന്നേ
ആമേൻ കർത്താവേ നീ വന്നിടണേ