നമ്മുടെ നാഥൻ നല്ലവൻ
വൈരികളേക്കാൾ വല്ലഭൻ
തൻ കരബലത്താൽ ജയിക്കും
നാം ജയി...
തന്ത്രമെഴും വൻ സാത്താനെ
ജയിക്കും നാം

ധരയിൽ ക്ലേശം നമുക്കുണ്ട്
ദിനവുമെടുപ്പാൻ കുരിശുണ്ട്
ബലം തരുവാനവനടുത്തുണ്ട്
ജയിക്കും നാം ജയി...
മരണനിഴലിലുമഞ്ചാതെ
ജയിക്കും നാം

ശോകം തീർക്കും സന്ദേശം
ലോകം ജയിക്കും സുവിശേഷം
ചൊല്ലാൻ വേണ്ട ഭയലേശം
ജയിക്കും നാം ജയി...
വെല്ലുവിളിപ്പിൻ വൈരികളെ
ജയിക്കും നാം

ലൗകികർ കണ്ടാൽ ബലഹീനർ
ഭൗതികർ പാർത്താൽ ദയനീയർ
ദൈവികദൃഷ്ടിയിൽ ഗണനീയർ
ജയിക്കും നാം ജയി...
കൈവിടുകയില്ലവനൊരുനാളും
ജയിക്കും നാം