അലസത സകലവുമകലട്ടെ
ചിന്താകുലമാകവേ പോകട്ടെ
ഉത്സുകരായുണർന്നിടാമേശുവിൻ
നിസ്തുലനാമമുയർത്തിടാൻ - നാം

പാപികളെ പ്രതി ക്രൂശിൽ താൻ മൃതി -
യേറ്റതുമുയിർത്തെഴുന്നേറ്റതുമാം
വാസ്തവമേവരുമറിയട്ടെ ജന -
മേശുവിൻ ക്രൂശിനൊടണയട്ടെ - ജന

ക്രിസ്തുവിലെന്യേ മറ്റൊരു മാർഗ്ഗം
മർത്ത്യനു രക്ഷപ്പെടാനില്ല
വാർത്തയിതേറ്റം തീർത്തരുളിടാൻ
എത്രയും ജാഗ്രത കാണിക്കാം - നാം

പലവിധമെതിരുകളുലകിതിലുളവാം
എങ്കിലുമൊന്നിലുമിളകേണ്ടാ
വലിയവനാമഖിലേശനിലല്ലോ
ബലവും നമ്മുടെ വിജയമതും - ഹാ