കാടുകളെ പല നാടുകളോ
വീടുകളോ തെരുവീഥികളോ
പാടുപെടാം ഞാനെവിടെയും - നീ
കൂടെവന്നാൽ മതി, പോകാം ഞാൻ

കോടാകോടികളുണ്ടല്ലോ
ക്രിസ്തുവിൻ നാമം കേൾക്കാത്തോർ
തേടാനാളില്ലാത്തവരെ
നേടാൻ പോകാം ഞാനുടനെ -

പോകാൻ കാലിനു ബലമായും
പറയാൻ നാവിനു വാക്കായും
വഴികാട്ടുന്ന വിളക്കായും
വരുമല്ലോ നീ, പോകാം ഞാൻ

നാളുകളെല്ലാം തീരുമ്പോൾ
നിത്യതയുദയം ചെയ്യുമ്പോൾ
വേലകൾ ശോധന നീ ചെയ്കേ
വെറുംകൈയോടു ഞാൻ നിൽക്കല്ലേ -