1095

വേലയ്ക്കു വേലയ്ക്കു
ചുറ്റും നോക്കുക നാം
എങ്ങും വാഴും അസത്യത്തെ
പോക്കുക നാം
സർവ്വസൃഷ്ടിയും യേശുവെ
കാണും വരെ
ഉയർത്തിടുക നാം സത്യമാം കൊടിയെ

വേലയ്ക്കു വേലയ്ക്കു
ദൈവദ്രോഹങ്ങളും
വ്യാജമാർഗ്ഗങ്ങൾ നാശത്തിൻ മോഹങ്ങളും
ദൈവഭൂമിയിൽ വർദ്ധിക്കു -
ന്നോർ സമയേ
സ്വസ്ഥത യോഗ്യമോ
ക്രിസ്തൻ ദാസന്മാരേ!

വേലയ്ക്കു വേലയ്ക്കു
ഇന്നു രക്ഷയിൻ നാൾ
എങ്കിലും നിത്യവും പാപശിക്ഷകളാൽ
ആയിരം ആയിരം നശിച്ചിടുന്നിതാ
രക്ഷിപ്പാൻ രക്ഷിപ്പാൻ
എൻ സഹോദരാ! വാ

വേലയ്ക്കു വേലയ്ക്കു
ഓരോ കഷ്ടങ്ങളും പരിഹാസങ്ങൾ
ഹിംസകൾ നഷ്ടങ്ങളും
സഹിച്ചും വഹിച്ചും
കൊണ്ടദ്ധ്വാനിക്ക നാം
എന്നാൽ ക്രിസ്തുവിൻ
സത്യസേവകരാം

വേലയ്ക്കു വേലയ്ക്കു
പിന്നെ സ്വസ്ഥതയും
കർത്തൻ ദാസരാം നാം
നിത്യം ആസ്വദിക്കും
എൻ സന്തോഷത്തിലേക്കു
പ്രവേശിക്കുക
എന്നു താൻ അരുളിച്ചെയ്യും
ഹല്ലേലുയ്യാ