വിശ്വസിക്കുന്നവൻ
പാപത്തിൻ ശാപത്താൽ
അഗ്നിക്കടലിൽ വീണു
നശിച്ചുപോകാതെന്നേക്കും
ജീവിപ്പാൻ ദൈവം സ്നേഹിച്ചു
ലോകത്തെ രക്ഷിപ്പതിന്നായ്
തൻ പുത്രനെ അയച്ചു
ശിക്ഷിച്ചു പാപത്തെ
അവന്റെ ജഡത്തിൽ

മരണനിഴലിൽ കിടക്കും ഭൂമിമേൽ
ഒരു വെളിച്ചവുമൊരു
കരയും കണ്ടിടാതുളള
മാനുഷർ വീണ്ടും ആശ്വസി -
പ്പതിന്നായ് പരമദാതാവു
ജീവന്റെ വെളിച്ചം കരുണ -
യാലെയുദിപ്പിച്ചു നമുക്ക്

മരണമേ നിന്നെ പേടിക്കുന്നില്ല ഞാൻ
നിന്നെ ജയിച്ച യേശു
ശരണം എനിക്കു, ഹരണം നിനക്കും
അവൻ എനിക്കും ജീവൻ
തരുവാൻ ദൈവത്തിൻ വലഭാഗത്തു
ഭരണം ചെയ്യുന്നു സർവ്വാധികാരിയായ്