പാപത്തിൽ മോദിക്കും
മത്സനേഹിതാ! നീ
പാപത്തെ വിട്ടുടനോടി വരൂ
സ്നേഹമോടീശൻ വിളിക്കുന്നു നിന്നെ
പാപീ! നീ ഓടിവാ! തന്നന്തികേ

ക്രൂശിലൊഴുകുന്ന ചെന്നിണം കാൺക
പൊന്മുഖം വാടിത്തളരുന്നല്ലോ
നിൻ പാപമേശു വഹിച്ചില്ലയെങ്കിൽ
എന്തിന്നവനീ വിധം മരിച്ചു?

യേശുവേ കർത്താവെന്നേറ്റു
നീ ചൊൽക
വിശ്വസിച്ചിടുക തന്നുയിർപ്പിൽ
താഴ്മയോടീവിധമേറ്റു നീ ചൊന്നാൽ
തൽക്ഷണം ദൈവകുമാരനാകും

യേശു നിനക്കായി കാത്തിരിക്കുന്നു
വേഗമവൻ ചാരേ വന്നിടുക
നിൻ പാപമെല്ലാമവൻ പാദേയർപ്പിച്ച്
മോചിതനായി നീയാനന്ദിക്ക