സ്വത്തു ഭൂവിലെത്രയേറെ കിട്ടിയാലും
മൃത്യുനേരം വിട്ടു വേഗം യാത്രയാകും
നിത്യമാം സ്വത്തുക്കൾ നൽകിടുവാൻ
ആസ്തിയുളേളാൻ ക്രിസ്തു മാത്രം

പൊന്നുവെളളിയൊന്നുമല്ല
വീണ്ടെടുപ്പാൻ
ചെന്നിണം താനന്നു ചിന്തി മാനവർക്കായ്
തൻവിലയൊന്നു മതിച്ചിടാമോ?
ധന്യരല്ലേ ക്രിസ്തുവുളേളാർ

തീയിലൂതിത്തീർത്ത തങ്കമായ
കർത്തൻ
ജീവിതത്തിലുൾ പ്രവേശിച്ചുളള മർത്ത്യർ
ധന്യരായ് തീരുവതെത്രയോഗ്യം!
ക്രിസ്തുവുളേളാർക്കെത്ര ഭാഗ്യം!

തൻനിമിത്തം നിന്ദയേറ്റാൽ
തന്റെ ഭക്തർ
ധന്യമായും മാന്യമായും എണ്ണിടുന്നു
മന്നിതിൽ ധന്യതയെന്നുമുളള
ഖിന്നതയിൽ ചെന്നു തീരും

സ്വർഗ്ഗരാജ്യ വാഴ്ചയാകും ഭാവികാലം
ഭാഗ്യപൂർണ്ണരായി മേവും തന്റെ മക്കൾ
ക്രിസ്തനെ ഗണ്യമാക്കാത്തവർക്കോ
നിത്യനാശം എത്ര ക്ലേശം!