യൗവനകാലം മോഹനമല്ലോ
ആരോഗ്യം ദൈവത്തിൻ ദാനമല്ലോ
ഈ നല്ലകാലം നീ വ്യർത്ഥമാക്കല്ലേ
ദൈവത്തിൻ പൈതലായ് ജീവിച്ചിടുക

യൗവനത്തിൽ നീ നിന്നിഷ്ടംപോലെ
നിന്നുടെ നാളുകൾ തീർക്കുകയോ?
ദൈവത്തിൻ മുമ്പിൽ
ഒരുനാൾ നിൽക്കേണം
ദൈവത്തിൻ പൈതലായ് ജീവിച്ചിടുക

ഇന്നു നീ കാണും സർവ്വവും മായ
വെന്തുപോം ചൂളപോലീയുലകം
ലോകസൗഭാഗ്യത്തിന്നന്ത്യം സന്താപം
ദൈവത്തിൻ പൈതങ്ങൾ - ക്കന്നുമാനന്ദം