പരമാവിയാലിവരെ നിറയ്ക്ക
മഹോന്നതനേ ദിനവും
തിരുനാമകീർത്തി സദാ നിനച്ചു
തങ്ങൾ വസിച്ചിടുവാനും

പരനേശു തൻ പ്രിയയായ്
തിരുസഭയെ വരിച്ചായതിന്നായ്
മരണം സഹിച്ചതുപോലീദാസൻ
തൻപത്നിയെ ചേർത്തുകൊൾവാൻ

തവ ദാസിയാമിവളും
അനുസരിച്ചിടണം നിത്യവും തൻ
ധവനെ പുരാ സാറയും അബ്രാമിനെ -
യെന്നപോൽ മോദമോടെ

പല മാറ്റവും മറിവും നിറഞ്ഞ
ലോകേയിവർ നിത്യവും നിൻ
അലിവേറ്റമുളളവയാം ചിറകടിചേർന്നു
സുഖിപ്പതിന്നും