1274

1274 (വീഥികളിലും വിശലസ്ഥലങ്ങളിലും അവൾ തന്റെ പ്രാണപ്രിയനെ അന്വേഷിച്ചു അവനോ പാളയത്തിനു പുറത്തായിരുന്നു കൂട്ടുകാരിയെ കണ്ടു ചോദിക്കുന്നു.) ചോ: എങ്ങെൻ നായകനെങ്ങന്നീശ്വര നെങ്ങന്നാത്മ മണവാളൻ? മംഗലാത്മനെ ലോകവീഥിയി - ലെങ്ങും തേടിത്തളർന്നു ഞാൻ ഉ: എന്തയേ ലോകവീഥിയിൽ നീ നിൻ സ്വന്ത നാഥനെത്തേടുന്നോ? പാപപങ്കിലമായ പാതയിൽ പാവനശീലൻ പാർക്കുമോ? ചോ: പിന്നെയെങ്ങന്റെ ജീവനായക - നെന്നനന്തമനോഹരൻ ആ മന്ദാരമരത്തിലെന്യേയെൻ പ്രേമവല്ലി തളിരിടാ ഉ: അങ്ങു ദൂരെ നഗരവാതിലി - ന്നപ്പുറത്തങ്ങകലെയായ് ചെന്നിണത്തിൽ മുഴുകി കാൽവറി ക്കുന്നിൽക്കാണാം നിൻ നാഥനെ ചോ: ഈ ത്രിലോക ജനയിതാവു നീ - ഇത്രമാത്രമഗതിയായ് ക്രൂശിലാണു തലചരിപ്പതെ - ന്നീശ ഞാനെങ്ങനോർത്തിടും? ഇരുവരും കൂടി : ലോകത്തിൻ സുഖവീഥിയിലിനി പോകയില്ല ഞാൻ നായകാ! തൃപ്പദമലർച്ചെണ്ടിൽ ഞാനൊരു ഷഡ്പദമായ് പതിക്കുന്നേൻ