ഇന്നലെയുമിന്നുമെന്നും
എന്നെ നടത്തുന്നവൻ -
മന്നിലിനിയെന്നുമവൻ കൃപമതിയേ
മണ്ണിൽ മറഞ്ഞിടും നാളിങ്ങണഞ്ഞിടും
അന്നാൾവരെയും തൻ
കൺകൾ നടത്തിടും
പിന്നവനരികിലണഞ്ഞെന്നും
പുതുമോദമായ്
മാധിമന്നവൻകുടെ
എന്നും വാഴും ഞാൻ

വിത്തുവിതച്ചിടാമിന്ന്
കണ്ണീരിൽ വിതയ്ക്കുകിൽ
ആർത്തുപാടി ആനന്ദത്തോ -
ടന്നുകൊയിതിടാം
ഇന്നീ മരുവിൽ നാം
ചെയ്തിടും കാര്യങ്ങൾ
നന്നായറിയുന്നോൻ ഒന്നും മറന്നിടാ
നല്ലപോർ പൊരുതി ഓട്ടം
തികച്ചു നാം കാക്കുകിൽ
വല്ലഭൻ തരും നമുക്ക് പ്രതിഫലങ്ങൾ

തൻ തിരു വരവിനായ്
കാത്തുകാത്തിരുന്നിടാം
സന്തതം അനന്തമോദമേകിടുമവൻ
ഇന്നാൾ ഉണർന്നിടാം -
ഒന്നായ് നിരന്നിടാം
ദീപം കൊളുത്തിടാം
കൈകൾ കൊരുത്തിടാം -
തൻ ജനത്തിൻ നിന്ദ നീക്കാൻ
കണ്ണുനീർ തുടച്ചിടാൻ
അൻപു നിറഞ്ഞവൻ
വേഗമണയുമാമേൻ